Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox

A Mâvi !

Envoyer Imprimer

Extrait de Fleûrs di m' Bouquèt, Melreux, 1956

A Mâvi !

 

Oh ! tchanteû pôpulaire, amoureûs d'nos contrêyes,
Qu'èdeûre avou nos-aûtes lès bîhes et lès djalêyes,
T'è st-on bon pâtriote qui n'qwite mây' li payîs,
Et t'anonce li prétimps tofér onk dès prumîs !

Qwand dj'ôs t'vwès familière s'ènonder so m'mèlêye,
Dispièrtant lès-ècôs qui dwèrmît st-èl valêye,
Dji sins m' cour qu'ènn'èva come po s'aler bagnî
E peûr flot d'ârmon'rèye qu'arôle foû di t'gozî !

Mèssèdjî dè bon timps, t'as 'ne saqwè de powète :
Come lu, t'inme çou qu'est bê, t'as l'vwès clére èt bin faite
Po tchanter l'breune vèsprêye ou l'rôse êreûre de djoû.

Tès roulades sont 'ne gote coûtes, mins qwand-i fait pâhûle
Et qu'èles montèt vès l'cîr, pleintes, lèdjîres ou tinrûles,
On direût lès-acwérds dèl flûte dè râskignoû !

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
Mise à jour le Mardi, 13 Janvier 2009 14:07  

Identification

Cette identification vaut pour tout sauf pour la galerie de photos qui a sa propre identification