Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox

I r'lègne

Envoyer Imprimer

Extrait de Fleûrs di m' Bouquèt, Melreux, 1956

I r'lègne

 

I r'lègne... li solo vint de trawer l'cîr covièrt
Et tape on flâwe rislèt so l'tére tote èdjalêye ;
D'aveûr situ r'cloyou longtimps d'vins lès nûlêyes,
II est div'nou malâde, sins-èhowe èt blanc-mwèrt.
On veût d'zeû lès ouhes dès pwèsses
Et d'zos l'coronisse dès teûts,
Dès riglètes di bordons d'glwèce
Souwer dès gotes come dès peûs...
I r'lègne...

I r'lègne... li bîhe si tait, l'air à 'ne pus doûce tcholeûr ;
Et l'campagne qu'avisse èsse tapissêye di blanke wate,
Tos costés l'nîvaye fond : li tére divint pus mate
Et lès-âbes si alignant, lêyèt goter dès pleûrs ;
Li solo, po murer s'face,
Efonce ses r'djèts d'vins lès glèçons :
Li vwèle, â mureû dèl basse,
Craque èt s'loukeûr tome è fond...
I r'lègne...

I r'lègne... on veût l'pont d'glèce dèl horote si k'trawer
Et l'êwe, qui d'pôye ine tchoque èsteût là prisonîre,
Si sâve po d'zos, potche minme quéqu'fèy' foû di s'coulîre
Et s'ènonde tote binâhe de ravu s'lîberté.
"Li p'tite riv'lète, so si s'crène,
Epwète lès glwèces à tortês
Qu'elle assètche foû dès bassènes
Wice qui s'vûdèt lès horês...
I r'lègne...

I r'lègne... lès teûts r'lûhèt parèy's qui dès mureûs
Dizos lès r'djèts d'solo qui v'nèt de prinde pus d'fwèce ;
Li rôsî qui sok'téve louke, à tôt r'lèvant l'tièsse,
S'i n'veût nin racori lès bîhes, lès vints houreûs...
Et lès-oûhês pinsant vèy'
On prumî rislèt d'prétimps,
Avâ lès bwès, lès prairèyes,
Tchantèt d'djôye et d'contint'mint...
I r'lègne...

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification