Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Arîre - Sôhon...

Arîre - Sôhon...

Envoyer Imprimer

Extrait de Fleûrs di m' Bouquèt, Melreux, 1956

Arîre - Sôhon...

 

Li bîhe, tôt s'ènondant divins lès foyes morantes,
Di pitchote à midjote, disgârnih' lès cohês...
Et là, tôt racrampi so l'cohète fruzihante,
L'oûhê, d'in' air pèneû, louke èvoler s'teûtê.

Come li pâvion qu'voltêye èn-on moumint d'sotrèye,
Li fouyê, tot dansant, va plocter so l'wazon
Et l'jèbe, qui clintche li tièsse, trisse di srvèyi flouwèye,
Est r'coviète d'on tapis wice qui s'catchrè l'iurson.

On n'veûrè bin vite pus dizos les foyes toumêyes
Lès picîntes di mossê wice qui l'pas n'féve nou brut...
Et li p'tit rèwe qui s'sâve al dîlongue dèl valêye,
Epwète tôt barbotant li foye qui tome sor lu... !

Volà l'bwès dismoussî :
Lès âbes sont come dès spéres,
Li bîhe, à l's-î fé l'guére.
A v'nou tôt ravadjî !

On veut là bin Ion l'tchâgne,
Inte lès d'fouyetés cohês,
Qui stind ses longs vanês
Al copète dès-aûnês,
Tot come on clokî hâgne
Si tièsse dizeû l'hamtê !

A coron dè buskèdje.
On pinson tot d'seûlé
Dibite on grusinèdje
Qui l'ècô rind d'zolé.

I pleûre lès bès djoûs qui sont houtes,
Ca d'zos l'hagnant vint qu'èl kiboute
Et l'mâvas teûtê qui l'ahoute,
Li paûve oûhê k'mince à tronler.


Lès-arondjes, lès pimây's
Sont frîchtés po l'freûd timps,
Wice qui l'fleûr ni moûrt mây',
Là qui l'alêne dè vint
Ni cwahe nin come ine sâbe
Divins lès foyes dès-âbes,
Tot fant fruzi l'minâbe
Di pawe dè lèddimain.

Li vwès dès djonès copes n'amonte pus dèl valêye ;
Avou l'foye qui flouwîhe, è bwès, li gaieté moûrt...
Et l'hanteû, d'in-air trisse, tûse âs-eûres rèvolêyes
So l'timps-qui s'coûr prind l'doû dèl sâhon dès-amoûrs !

 


Tchâgne = chêne.

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification