Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Ut' - ans di s'cole

Ut' - ans di s'cole

Envoyer Imprimer

Extrait de Fleûrs di m' Bouquèt, Melreux, 1956

Ut' - ans di s'cole...

(Powinme qui m' fèye a dit â r'mètèdje dès prix à l'ocâsion di s' sôrtèye di li s'cole dè quatrinme dègré.)

 

Tot come dès djônes-oûhês qui qwitèt leû niyêye
Armés dès bons consèy's riçûs di leûs parints,
Nos-alans prinde nosse vôye chaskeune vès l' dèstinêye
Qui nos k'sèm'rè turtotes po kwèri l' pan di d'main.

Tinrès vûsions d'èfance, bèl adje di l'ènoçince
Qui n' nos-ont fait tûzer disqu'asteûre qu'a nos djeûs,
Nos t'alans dîre : adiè ! pace qui n's-avans consyince
Oûy', qui l'Av'nîr èst là pos nos djâzer d'adreût.

Nos-alans st-abrèssî totes sôres di brantches èl vèye :
Eune porsûrè ses s'coles, l'aûte îrè st-â mèstî,
Mins qwè qui nos div'nanse, nos d'meûrans sins-invèye
Et l' bone camarâdrèye ni nos d'vrè mây' brognî.

Nos sârans nos sov'ni dès consèy's qui nos dames
Nos-ont d'né po nosse bin avou tant dèl bonté,
Ca ll'ont s'tu, po nos-aûtes, çou qu'on pout dire dès marnes
Po nos k'dûre è pazê là qu' habite l'onièss'té.

Oneûr à nosse sicole wice qu'on poûhe lès k'nohances
Po s' sètchî di s'pèheûr sins dispinde di s' wèzin ;
On-alâdje lès-èsprits divès l' bêle ak'sègnance
Dès-ârts èt dèl Justice, di l'amoûr po s' prochain.

Fwètes di totes ces r'mostrances, qwand nos sèrans dès mères,
Nos k'dûrans nos r'djètons vès l' trace di nosse passé
Et nos l's-î droûv'rans l' vôye po qu' sèyèsse avou glwére
Lès s'colîres di l'av'nîr di nosse qwatrinme dègré.

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification