Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Nos bons-âbes

Nos bons-âbes

Envoyer Imprimer

Extrait de Fleûrs di m' Bouquèt, Melreux, 1956

Nos bons-âbes

 

Inmons l'âbe â frûtèdje, c'est nosse bon camarâde :
I florin' â prétimps corne po nos radjôni ;
I done l'ombe qwand l'solo toke à nos rinde malâde
Et nos r'pahe di sès frût's qwand sèptimbe va riv'ni.

II oûveûre po nos-aûtes, tot suçant l'souke dèl tére
Qu'il amonne so sès cohes, aidî dè bon solo ;
Chaque iviér èl dimousse â pont qu'n'èst pus qu'on spére
Et lès mâs qu'il èdeûre, c'est po l'bin d'à turtos!

Loukîz lès-âbes dèl wêde tôt hoslés d'rodjès pomes,
Di peûres apétihantes et d'preunes rimplèyes d'odeûr ;
Tot drènant d'zos leû tchèdje, i sonlèt dire âs-omes :
« Vinez. lès paûves come ritches, goster m'frût' plein d'saweûr ! »

Vèyez-v' là conte dè meûr cisse vègne hâgner ses trokes ?
On prindrè l'dju d'sès peûs po nn'è fé de bon vin ;
Ou ll'îront ragoster, tot fant v'ni l'êwe al boke,
Li malâde sins-èhowe qui n'sawourêye pus rin.

Inmons l'âbe â frûtèdje, il a 'ne pièce è nosse vèye
Pusqu'i s'èplôye tos l's-ans po nos aidî viker ;
L'oûhê troûve è s'fouyèdje dès djuteûsès bètchèyes,
On teût po l'mète à houte, dèl djôye po l'fé tchanfer !

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification