Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Li Bètch'fiér èt l'Orimièle

Li Bètch'fiér èt l'Orimièle

Envoyer Imprimer

Extrait de Fleûrs di m' Bouquèt, Melreux, 1956

Li Bètch'fiér èt l'Orimièle

 

E botche d'on frinne, on djoû d'osté l' bètch'fiér
Kibètch'téve li pèlote
Afîz' di s! fé 'ne tchabote
Pa s'ahouter dè timps d'iviér.

- Eye ! dèrit n'ôrimièle à pîse sol cohe d'on tchjnne,
Qui, tot paf èl louquîve ponte sès côps d' bètche è bwès,
Quéle drôle d'îdèye as-s' là, don twè,
Dè trawer l' pèlote di c' deûr frinne ?...
L'îdèye qui dj'a ? t'èl deûs vèyî :
Dji m' fais 'ne bone pitite djîse,
Po n' nin tronler lès balzins d' freûd so 'ne pîse
Qwand lès cwahantès bîhes nos vinront st-agridjî.

- Ha ! ha ! mins t' djîse n'èst co wêre faite,
Sés-s', mâlureûs bètch'fiér ! T'as co bèl à bètch'ter
Divant qui t'n'âye fait plèce po t' poleûr rètrôcler !
Hoûte : n'intruprinds nin 'ne sifaite.
Ti t' sansouwêye al vûde, ti n'as mây' morou d' freûd.
Vins, nos-îrans r'bate lès buskèdjes,
Nos nos d'vêrtih'rans so l' fouyèdje,
C'èst bin mons nâhihant, bin pus djoyeûs !

- Il est vrêy' qui dj'ataque chal ine clapante payèle
Et qu' dji m' plaireûs bin mî
Tot m'alant distryî ;
Mins tûse, camarade ôrimièle,
Qu'on n' s'akwîre nin quéque bin
Tot balzinant lès buskèdjes et lès tèyes ;
Tûse qu'i fât qu'on s' sacrifèye
Et qui, sins ponne, on n'a mây' rin!...
Tot tapant 'ne couyonâde, l'aûte riprinda s' volêye,
Mins l' bètch'fiér, amâ pô,
Ava fait si p'tit trô...
Adon, co pawou dès djalêyes,
Divant lès mâvas djoûs,
I rascoya dès plomes, dès gn'nièsses
Et dès fènèsses
Et s' fat st-on lét bin doûs...

On djoû d'iviér qu'i djaléve à pîre-finde,
Qui l' bîhe zûnéve inte lès cohês,
Ine pîlâte èt raûque vwès d'oûhê
Ad'lez l' tchabote, si fat st-ètinde.
C'èsteût noste ôrimièle à mwètèy' èdjalé,
Qui v'néve priyî l' bètch'fiér di lî fé plèce è s' djîse,
Seûl'mint po passer l' sîze
Et s' tchaûd lét.

- Ahâ ! vot'chal, dèrit l' maisse dèl bèdrèye,
Twè qu'è l'osté ni tûséve qu'â plaisir
Et qui m' baltéve, là qu' dj'ovréve po l'av'nîr,
Veûs-s' bin, asteûre, come tote ponne èst r'payèye ?
Çoula t'èsteût prév'nou, ca ti saveûs 'ne saqwè
Di l'astrapâde qu'ava li cigale dèl frumih'...
Dji n' f'rè nin come cisse-chal, et pusqui ti djèmih'
Dji t' sèrè bon, pace qui dji m' fais mâ d' twè ;
Adon m' coûr ni m' permet nin dè fé 'ne parèye keûre ;
Mins c' lèçon t'aprindrè pus târd à fé come mi.
Asteûre, si ti t' vous v'ni r'handi,
Inteûre !

 


Li bètch'fiér et l'ôrimièle = le pivert et le loriot.

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
Mise à jour le Mardi, 13 Janvier 2009 21:45  

Identification

Cette identification vaut pour tout sauf pour la galerie de photos qui a sa propre identification