Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox

Li Niyêye

Envoyer Imprimer

Extrait de Fleûrs di m' Bouquèt, Melreux, 1956

Li Niyêye

 

 

I
On djoû, li p'tit Djhan-Piére,
Trova st-on ni d'oûhês,
Trova st-on nid d'oûhês
Catchi d'vins dès liéres :
I fout tot djoyeûs
Dè vèy' qu'i n'aveût
Qwate djônes dès pus vigreûs !

II
Po rinde si djôye ètîre,
Li gamin prinda l'nid,
Li gamin prinda l'nid
Po l'mète è s'volîre ;
Çoula fait, l'capon
Pinda cisse prîhon
Ad'lez l'ouh' di s'pègnon...

III
On vèya 'ne drôle d'afaire:
Père èt mère dè niyâ,
Père et mère de niyâ
Ni târdjît sûr wêre
D'apwèrter todi
Li bètchèye âs p'tits
Sogn' dèl zè vèy' mori !

IV
Çoula dura 'ne hapêye.
Si bin qu' lès djônes volît,
Si bin qu' lès djônes volît
Qwand, ine matinêye,
Li gamin hapa
D'on seûl côp d'hèrna
Leû mame èt leû papa !

V
I lî v'na st-è l'îdèye
Dè lâcher tos lès p'tits
Dè lâcher tos lès p'tits,
Pinsant qu' frit parèye,
Parèye qui lès vis
Que l's-avît sognî
Sins mây' èl-zè roûvî !

VI
Mins lès djônes dèl niyêye
Co jamây' n'ont riv'nou,
Co jamây' n'ont riv'nou
Fé 'ne pitite toûrnêye
Po r'vèy' leûs parints
Qu'ârît morou d' faim
Sins lès s'coûrs de gamin !

VII
Amon lès djins, c'èst l'minme :
On s'sacrifiyêye voltî,
On s'sacrifiyêye voltî
Po l's-èfants qu'on-inme
Et, po vos binfaits,
Sovint, lès djônes
Fèt come lès p'tits oûhès !

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
Mise à jour le Mardi, 13 Janvier 2009 22:30  

Identification

Cette identification vaut pour tout sauf pour la galerie de photos qui a sa propre identification