Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge On Banquet à l'Ospice di Sèrèg

On Banquet à l'Ospice di Sèrèg

Envoyer Imprimer

Extrait de Fleûrs di m' Bouquèt, Melreux, 1956

On banquet à l'Ospice di Sèrèg

Chanson interprétés par M. A. Nollomont au banquet offert aux vieux de l'hospice par la société philantropique « Plaisir «-Entr'aide.
Air : So l'air dè tradèrî-dèra.

 

I
Pusqui « Plaisir - Entr'aide » vis houke à cisse tâvlêye,
Po v' rèdjouwi n' miyète tot v' chèrvant n' bone eûrêye,
Fez come è vosse mohone : riboutez lès façons,
Pus vite qui di v' djinner, fez voler vos botons !
So l'air dè tradèri - dèra, etc...

II
Qwand c'èst qu'on s' divêrtih et qu'on s'trouve à 'ne bone tâve,
I fâreût-èsse boubièt po voleur fé l' hayâve ;
Vîve todi lès banquets wice qu'on pout magnî s' sô :
On s' dèvouwe co voltî qwand c'est so l' pro-dèô !
So l'air dè tradèri - dèra, etc...

III
Sondjiz qu' « Plaisir-Entr'aide », ni fait nou sacrifice :
Ci n'èst qu'on r'mèrcîh'mint à tos lès vis d' l'ospice,
Pace qui c'èst 'ne société qui compte bin dès lurons
Qu'ont st-èrité d' l'amoûr di bêcôp d' vos r'djètons !
So l'air dè tradèri - dèra, etc...

IV
C'èst-ine fièsse qui rassonle lès bons vis dèl comeune,
Tos paûves diales qu'ont brognî tote leû vèye li forteune
El franke camarâdrèye, vos v' donrez dè bon timps
Tot gostant dès doûceûrs, sins régler nou pây'mint !
So l'air dè tradèri - dèra, etc...

V
Chal, i n'a dès sov'nances d'on passé qui s'ad'vène :
Onk rik'nohe sès-amoûrs divins Bâre ou Catrène,
Dismètant qui nos k'méres avou leûs-airs di rin,
Enn'è dirît bêcôp so Lambert ou Martin !
So l'air dè tradèri - dèra, etc...
VI
Dès mâlès linwes dihèt qui bin dès vis d' l'ospice
Ont s'tu rèssèrés là po maistrî leûs caprices,
Dj'ôs bin qu'i n'a d'yins z'èls dès cis qu' sèpèt fé l' lourd,
Et qui s'tronlît co l' poye avou leûs mâvas toûrs !
So l'air dè tradèri - dèra, etc...

VII
Mutwè vinrè st-on djoû qui c' sèrè st-à nos-aûtes
D'èsse fiès'tî chal ossu di tos bons coûrs d'apôte,
Mins nos d'mandrans st-â cis qui nos vinront fôrer,
Di nos prinde po cadô qwand vôront nn'èraler
So l'air dè tradèri - dèra, etc...

VIII
Sohaitans po fini qui l' cèrke « Plaisir-Entr'aide »
Ni keûve nin so sès-oûs po r'fé l' fièsse qui v's'èst faite,
On vint dè vèy' li proûve qu'i n'a chal dès boufeûs
Capâbes de rinde âs plats tot l'oneûr qu'on l'zî deût !
So l'air dè tradèri - dèra, etc..

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification