Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Li djoû qui dj'fas mès Pâques

Li djoû qui dj'fas mès Pâques

Envoyer Imprimer

Extrait de Fleûrs di m' Bouquèt, Melreux, 1956

A mes cuzènes Hélène et Julia

Li djoû qui dj'fas mès Pâques

Air : Sur le seuil de ta porte

 

I
Dji vins di m'rapinser
Dès doûs moumints passés
Di v'là dèdjà bin dès-ânnèyes,
Tot loukant lès pâquês (1)
Règuèdés, l'air ètê,
Dj'à r'viké dès djôyes rèvolêyes :
Dji m'a r'vèyou tot p'tit,
Ritche d'èspwèr è l'av'ni,
Pinsant qu' jamây' l'aweûre ni lâke
Et, dispôy' on moumint,
Dji m'dis : qui n' sos-dje co bin,
Li djoû qui dj'fas mès pâques !

II
Awè, dji m'riveûs co
Plein d'bês sondjes èt come sot
Hâtin de s'trumer m'bèle mousseûre
Et, d'èsse fîr dè hâgner
Li monte qu'on m'aveût d'né,
Dji n'féve qui d'loukî tot l'timps l'eûre ;
I m' soulève qui dj'èsteûs
Pus-ome èt pus moncheû,
Dji m' sintéve candjî par mirâke
Mins m'plaisîr dura pô,
Ga dji r'grèta so l'côp
Li djoû qui dj'fas mès pâques !

III
Dji fas l'toûr dès wèzins,
Po mostrer mes mouss'mints
Et m'fé répéter qu' dj'èsteûs gâye ;
Tot l'parintèdje èsteût
Rapoûlé d'zos nosse teût,
Ci fout l'pus clapante flèsse qu'i n'âye.
Mi por-manôye s'infla
Et, d'vèy' l'acoûte qu'on m'fat,
Dji n' sèpéve s'on n' nouméve co Djâcques
Qwand vola m'pére qui m' dit :
« T'irès st' ovrer come mi,
Pusqui t'as fait tès pâques ! »

IV
Lès-annêyes si d'hombrèt
D'èpwèrter djôyes èt r'grèts
Divins lès fonçês dèl roûviance
Mins dj'a wârdé l'sov'nîr
Fris' come s'il èsteût d'îr
Di c'bê djoû-là di m' tinre èfance...
Doûce sov'nance d'on passé
Qui m'a n'fèy' èssincé
De vrêy' boneûr qui d'pôy' mi mâque.
Ossu, dj'veûrè r'glati
Tote mi vèye è mi èsprit
Li djoû qui dj'fas mès pàques !

 


(1) Pâques = premiers communiants.

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
Mise à jour le Mercredi, 14 Janvier 2009 17:14  

Identification

Cette identification vaut pour tout sauf pour la galerie de photos qui a sa propre identification