Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Vis sov'nez-ve Nanète ?

Vis sov'nez-ve Nanète ?

Envoyer Imprimer

Extrait de Fleûrs di m' Bouquèt, Melreux, 1956

Vis sov'nez-ve Nanète ?

Air : Au clair de la lune.
(Bois mystérieux et forêts profondes)

 

I
Vis sov'nez-ve, Nanète, dè timps d' nosse djônèsse,
Qwand v'riv'nîz d' li scole, qui v' fîz co dès trèsses,
Vis-è sov'nez-ve co ?
L'amoûr kiminçîve à nos prinde è s' lèçe,
Nos nos fîs comprinde avou dès p'tits djèsses :
Vos m' tinîz po l' main sins m' dire on seul mot,
Mins vos bês neûrs-oûy's mi djâsît por vos ;
Vos-avîz d'djà l' tour di m' fé dès clignètes...
Vis sov'nez-ve, Nanète ?

II
Vis sov'nez-ve, Nanète, dè timps d'nosse djônèsse,
Vos-avîz vingt ans, dj'aveûs vos carèsses,
Vis-è sov'nez-ve co ?
Drî l' hâye di vosse pré, n'aveût 'ne si bêle plèce,
Câsî faite èsprès po galants, maîtrèsses ;
Qwand l' vèsprèye vinéve fé r'sètchî l' solo,
C'èst là qu' nos deûs coûrs si racontît tôt ;
Qwand c'èst qu' vos r'vèyez l'endrwèt dèl catchète,
Vis sov'nez-ve, Nanète ?

III
Vis sov'nez-ve, Nanète, de timps d'nosse djônèsse,
Qwand c'èst qu' tot hâtain, dji v' minéve al fièsse,
Vis-è sov'nez-ve co ?
Vosse bêté m' dinéve boneûr èt liesse ;
Dji' rotéve lèdjîr à tot r'lèvant l' tièsse ;
Lès djônês qu' passît si r'toûrnît sor vos ;
Dj'aveûs bon di m'vèy' inviyî d' turtos ;
Oh! v's-èstîz nozêye come ine mâgriyète!...
Vis sov'nez-ve, Nanète ?

IV
Vis sov'nez-ve, Nanète, de timps d'nosse djônèsse,
Nos moussîs l'av'nîr d'èspwér et d' promèsses,
Vis-è sov'nez-ve co ?
On djoû l' dèstinêye distrûha d'ine pèce
Nos siermints d'amoûr, mès djôyes et tot l' rèsse :
On s' qwita po rin, fâte d'èsse trop djalots ;
Et tièstous, vîreûs, come tant dès djônes sots,
Nos n' polîs trover li mot po nos r'mète,
Vis sov'nez-ve, Nanète ?

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification