Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Po fé durer m'boneûr

Po fé durer m'boneûr

Envoyer Imprimer

Extrait de Fleûrs di m' Bouquèt, Melreux, 1956

Po fé durer m'boneûr

Musique de F. HEINTZ

 

I
Qwand vos tchantez, mi bêle Nanète qui dj'inme,
I m' sonle ètinde quéque fâbite è grand bwès ;
Dji r'tins mi-alène è pus parfond d' mi-minme
Po-z-ôre passer voste âme è vosse doûce vwès.
Vosse tchant d'amoûr m'èwalpêye d'ine aweûre
Qui m' fait fruzi d'aveûr bon de viker ;
Vos apwèrtez l' solo plein vosse dimeûre
Et vos fez lûre âtoû d' vos l' djoyeûs'té !

RESPLEU
Qwand vos tchantez, mi binamêye Nanète,
Li doûce romance qui djâse di vosse monkeûr,
Dji crèhe di djôye èt, tot bas, dji répète :
Tchantez, tchantez... po fé durer m' boneûr !

II
Qwand vos riyez, vos-èstez si nozêye,
Qui lès djins d'adje si sintèt rèshandi ;
Vos-èstez frisse come ine fleur qu'èst bot'nêye ;
On v's a mètou sol tére po l'èbèli...
A bê mitan di vos tchifes totès rôses,
Vosse clér riya met' dès fossales di v'loûrs
Et vos p'tits dints, pus blancs qui lès patrôses,
Si v'nèt hâgner come po complaire mi coûr !

RESPLEU
Qwand vos riyez, mi binamêye Nanète,
Et qu' dji sos l' câse di vosse plaîhante oumeûr,
Dji sos st-al fièsse èt dj' magn'reûs vos rizètes...
Riyez, riyez... po fé durer m' boneûr!

III
Qwand vos dwèrmez, qui vos blondes pâpîres
Catchèt l' mureû dès bleûs oûy's tot pleins d'mi,
Dji vôreûs t-èsse in' andje âs-éles lèdjîres
Po porminer vos sondjes è paradis...
Qwand c'èst qu'on-inme, on sint floter d'zeû s' tièsse
Come ine hinêye di plaisir et d' radjoû
Et l' maisse Amoûr, qui s' nourîhe di carèsses.
Dimande qu'on tûse onk à l'aute nut' èt djoû.

RESPLEU
Qwand vos dwèrmez, mi binamêye Nanète,
Et qu' mès pinsêyes vont r'djonde vos sondjes è fleûr,
Qui vosse somèy' ni s' troûbèle nin 'ne miyète!...
Dwèrmez, dwèrmez... po fé durer m' boneûr!

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification