Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox

Li Bâbou

Envoyer Imprimer

Extrait de Fleûrs di m' Bouquèt, Melreux, 1956

Li Bâbou

Musique de M. Ed. PLENUS

 

I
I n'aveût 'ne fèy' ine vîle grand-mére
Qui racontéve totes sôres d'istwéres
Po fé sogne à l'èfant di s'fi
Po qu'fourih' pâhûle et djinti.
Qwand l'cârpê voléve fé l'hayâve,
Ele houkîve li bâbou dèl cave...
Et, l'air èwaré, l'paûve èfant
El hoûtéve tot tronlant !

II
Ine sîze, li vîle mame èl coulêye,
Raconta qu'ine fèy', al vèsprêye,
E fond de bwès, ll'aveût vèyou
Lès grands dints dè mètchant bâbou.
I d'voréve podrî lès ramayes
On gamin qu'aveût fait l'canaye.
Et, l'air èwaré, l'paûve èfant
El hoûtéve tot tronlant !

III
Li p'tit magnîve totes sès paroles,
Si bin qu'l'èsteût div-nou tot drole ;
Qwand vina l'eûre d'aler dwèrmi,
Il èsteût vraimint tot d'franki.
Si mame èl coûka st-adlez lèye,
Tot d'hant : « Dwèrmez bin m'chér cint-mèye ! »
Et, l'air èwaré, l'paûve èfant
El hoûtéve tot tronlant !

IV
Vès mêy'nut', n'ava 'ne grande surprise :
Li cârpê tourna d'vins dès crîses ;
I brèyéve : « Oh ! dji veûs lès dints
Dè bâbou qui hape lès gamins ! »
Si marne lî d'héve tot pièrdant l'tièsse :
- « Nonna, m'fi, c'èst mi qui v'rabrèsse ! »
Et, l'air èwaré, l'paûve èfant
El houtéve, tot tronlant !

V
Lès crises div'nît todi pus fwètes
Et l'paûve mère, câsî come ine mwète,
Ni saveût pus k'mint rapâh'ter
L'èfant qu'èsteût tot-èspaw'té...
- « Abèye, marne, dihéve-t-i, dj'a sogne ! »
Sâvez-m', ca dj'sins l'bâbou qu'm'apogne ! »
Et, l'air èwaré, l'paûve èfant
Rinda l'âme tot tronlant !...

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification