Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge I fât qu'on s'discandje

I fât qu'on s'discandje

Envoyer Imprimer

Extrait de Fleûrs di m' Bouquèt, Melreux, 1956

I fât qu'on s'discandje

Air : La bonne aventure

 

I
Mès djins, dji creûs qu' c'ès't-à m' tour
De tchanter m' pasquèye ;
Si dj'a minme l'air on pô loûrd,
Fât qu' tôt bwès s' tchèrêye!...
Vos v'nez d'ôr on bon tchanteû,
Asteûre, vochal on haveû...
I fât qu'on s' discandje on pô,
I fât qu'on s' discandje !

II
Dj'a st-on tchèsseû po wèzin
Qu'èst pansâ, piscrosse ;
E m' fôr, i cût sès lapins,
Mi, djènn'a qui l' gosse.
Onk di cès djoûs, dj'èl djondrè ;
Dji v' lî frè magnî nosse tchèt...
I fât qu'on s' discandje on pô,
I fât qu'on s' discandje !

III
Qwand dj' m'a marié, dj'aveus pris
Avou mi, m' bèle-mére ;
Mi sorodje Djôre, pus sûti,
Rascoya m' bê-pére.
Ir, come dj'aveus m' sô d' grognon,
A Djôre, dji d'ha : « Compagnon,
I fât qu'on s' discandje on pô,
I fât qu'on s' discandje !

IV
L'aûte djoû, dji vas st-â méd'ein
Et dji d'mousse è s' pwèsse
Mi longowe fraque à pind'mints
Qu'aveût co traze pèces.
Qwand dji sôrta d'ad'lé lu,
Dji tchâssa s' bê pardessus...
I fât qu'on s' discandje on pô,
I fât qu'on s' discandje !

V
Mi feume, qwand ll' divéve bouwer,
Tchoûléve dèl migrinne,
C'èsteût po m' fé machiner
E s' plèce, chaque saminne.
Ouy' qwand l' djoû dèl bouwêye vint,
Dji lôye mi tièsse èt dji m' plains...
I fât qu'on s' discandje on pô,
I fât qu'on s' discandje !

VI
Vèyant qu' dji n' maistrihéve nin
Mi r'hagnante Babète,
Qwand c'èst qu' dji m' chèrvéve di m' main
Po stroukî s' maquète ;
Dji vins dèl mète al raison
Tot d'mantchant l' cowe de ramon...
I fât qu'on s' discandje on pô,
I fât qu'on s' discandje !

VII
Si m' tchanson vis-a soyî,
Prindez bon corèdje ;
Mi bis' vis va fé bâyî
A v' hiyî l' visèdje !
Après çoula, dji v' chèvre
Ine pasquêye qui v's-èdwèm'rè...
I fât qu'on s' discandje on pô,
I fât qu'on s' discandje !

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification