Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Lès vacances

Lès vacances

Envoyer Imprimer

Extrait de Fleûrs di m' Bouquèt, Melreux, 1956

Lès vacances

Air : Dans les rues, le dimanche.

 

I
Tos l's-ans, qwand r'vint l' meus d' sèptimbe,
Dji prinds mès condjîs d' qwinze djoûs ;
Et dji vas r'trimper mès mimbes
En'-on bagne di bês sédjoûs...
Dji frohe lès tchinnes da Catrène
Et dji m' met' bin so m' trinte-deûs,
Adon, dj' file bin Ion d' l'ouhène,
Là wice qu'i fait pus djoyeûs !

Rèspleû
Les vacances, c'èst, por mi, l' pus bêle fièsse !
C'èst m' dada, vive lès condjîs payîs !
Po quéques djoûs, dji roûvèye mès mâs d' tièsse
Et dj' fais l' reûd come on rintî...
Lès vacances mi d'gadjèt d' tos mès lèces ;
Lès vacances sont faites po lever l' pîd !

II
Dji n'a mây' polou fé boufe,
A-z-ovrer bin djintimint
Et m' feume mi fait todi s' loufe,
Qwand-arive li djoû d' pâyemint
C'èst v' dire, qui qwand dj' m'ènêrèye,
Dj'a pô d'éles po m'èpwèrter !
I m' sonle qui dji m' sins parèye
Qu'on fôrçat qu'ra s' liberté ! (â rèspleû)

III
Al mér, dji vas prinde dès bagnes,
Avou dès bêles faites à m' deûgt ;
Après, dj' vas beûre dè Champagne ;
A Ion, dj' roûvèye çou qu' dji deûs...
Si vos m' vèyîz st-âs tèrasses,
Vos m' prindrîz sûr po n'Anglèt ;
Là, n'a pus rin qui m'tracasse :
On n' mi k'nohe, c'èst d'djà 'ne saqwè !

IV
Tôt çou qu' dji r'gangne chaque qwinzinne,
Dj'èl hère èl potche da fifi
Et m' feume ni s' dote nin dès sinnes
Qui dji djowe po m' diverti.
Mi, dj'inme bin lès-avinteûres.
Lès voyèdjes, l'air à gogo
Et dj' dis, po catchî m' piçeûre,
Qui c'est m' santé qu' va d'vant tot !

Rèspleû
Lès vacances sont trop vite rèvolêyes !...
On s' plaît mâ, qwand-i fât rataquer :
On-a l' flème èt lès deûs djambes cassêyes
On-a l'air èmacralé!...
Lès vacances ont bin 'ne trop coûte durêye ;
Lès vacances ni d'vrît mây' s'arèster !

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification