Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Tchanson d'marièdje 2

Tchanson d'marièdje 2

Envoyer Imprimer

Extrait de Fleûrs di m' Bouquèt, Melreux, 1956

Tchanson d'marièdje

Composée à l'occasion du mariage de Mlle Henriette G... avec M.Georges J..., docteur en médecine.

Air : A la façon de Barbari.

 

I
Pusqui c'ès't-à m' toûr dè tchanté
Dji vas risquer 'ne pasquêye,
L'afaire qui dji vas raconter,
Crèyez-m', c'ès't-eune qu'èst vrêye.
L'istvvére ni dâte nin di fwért Ion,
Lafaridondaine, lafaridondon,
Et come c'èst m' bèle-mére qui m' l'a dit,
Dj'èl ridis,
A la façon de Barbari
Mès amis !

II
On djône docteûr dès invirons
Rèscontra 'ne bêle poyète ;
On l' nouméve Djôre po si p'tit nom
Et lève, c'èsteût Riyète.
Nosse fin r'nâd s' dèrit, l'air luron,
Lafaridondaine, lafaridondon,
Dji creûs qu' dji vas prinde ine piètri
Sins cori,
A la façon de Barbari
Mès amis !

III
Vola k'mint qui l' docteûr, plein d' toûrs,
Arinna l' brâve djône fèye :
« Hoûtez, mam'zèle, vos avez l' coûr
Qui keûve ine maladèye... »
Et l' bâcèle, avou d' l'èmôçion,
Lafaridondaine, lafaridondon,
Lî rèsponda : « N' fât nin târdjî
Di m' sognî! »
A la façon de Barbari
Mès amis !

IV
Li méd'cin prinda n'air sérieûs,'
Tot r'trossant s' fène mustatche.
Pwis d'ha : « Mam'zele, sayîz tot dreût
Li r'méde qu'èst po voste adje...
So l' cwérps, vos n'avez sûr rin d' bon,
Lafaridondaine, lafaridondon,
Mins l' mâ, dji l'ârè vite bani
Et maistri
A la façon de Barbari
Mès amis !

V
Elle aveût dès-oûy's qui blaw'tît
Tot parèy's qui deûs steûles ;
Et l' docteur, à fwèce dèl loukî,
So lès sonks, i v'na 'ne teûle...
« Dis't-i, po v' traitî d'afaçon,
Lafaridondaine, lafaridondon,
Dji v' visitrè dîmègnes, londis
Et djûdis
A la façon de Barbari
Mès amis !

VI
Li crapaûte div'na come on feû
Et soriya d' comprinde...
Pwis, fèn'mint, d'manda st-â moncheû :
« Quéle drouge m'alez-ve fé prinde ? »
- « Ah ! fat-i, c'èst l'inflamâçion,
Lafaridondaine, lafaridondon,
C'èst come ine saqwè d' trop' èspris
Qu' fât r'freûdi,
A la façon de Barbari
Mès amis !

VII
- « Sèreût-ce po çoula qu' bin sovint
Mès tchifes div'nèt si rodjes !
Et qui m' coûr fait di timps-in-t.imps
Tic-tac come ine ôrlodje?...
Dji prindrè dès consultâçions,
Lafaridondaine, lafaridondon,
Tant qui c' feû-là n'èst nin sorti
Tot foû d' mi
A la façon de Barbari
Mès amis !

VIII
Lès visites fît tél'mint dè bin,
Qui nosse blâmante Riyète,
Po rik'nohance, maryia l' méd'cin
Al saison dès violètes.
Après quéquès opèrâçions,
Lafaridondaine, lafaridondon,
Li djône malâde, à çou qu'on dit,
S'a r'wèri
A la façon de Barbari
Mes amis !

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification