Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Li tchanson dès bwès

Li tchanson dès bwès

Envoyer Imprimer

Extrait de Fleûrs di m' Bouquèt, Melreux, 1956

Li tchanson dès bwès

 

 

I
Qwand l'bone sâhon nos-èst riv'nowe,
On nozé tchant monte foû dè bwès :
C'èst totes sôres d'oûhês plins d'èhowe
Qui fèt st-on concèrt di leûs vwès.
On-ôt sospirer d'vins lès cohes
Ine mirâcolèye qui vint d'Ion
Et qu'djâse di saqwès qu'on n'kinohe...
Hoûtreût-on bin 'ne pus bèle tchanson ?

II
Drî 'ne bohèye qui catche dès violètes,
Si v'nèt ritrôcler dès hanteûs :
Avou l'oûhê qu'tchante so l'cohète,
Is mahèt leûs tinrûles rèspleûs.
Tot s'carèssant, quéque cope di s'prèw's
Pidjolêye divins lès bouhons
Et là djondant gazoye on rèwe...
Hoûtreût-on bin 'ne pus bèle tchanson ?

III
Dè fond d'ine sipèsse sapinîre,
Li son dè côr s'èlîve avou...
C'èst lès tchèsseûs d'vins lès gonhîres,
Al porsûte dès ciérs, dès tchivrous.
Pus Ion, c'ès't-on djinti k'mahèdje
Di vwès di fâbites èt d'pinsons.
Qui rèdjouwih' on p'tit buskèdje,..
Hoûtreût-on bin 'ne pus bèle tchanson ?

IV
Tot d'on côp l'brut dès foyes troûbèle
Li coq di bwès qu'ès't-èssok'té ; '.
Ci-chal d'ine bohèye aroufèle,
Tot codêksant d'pawoureûs'té.
Li coucou tchante è fond dèl tèye
Et l'ècô, so l'éle dè zûvion,
Pwète â Ion s'cri d'mirâcolèye...
Hoûtreût-on bin 'ne pus bèle tchanson ?

V
Qwand l'bwès s'catche è l'ombe dèl vèsprêye,
Ine aûte tchantrèye si fait st-oyî :
On râskignoû lance èl valêye
Lès pus nozés pièles di s'gozî,
Li clokî dè ham'tê tchante l'eûre,
Dismètant qu'dès bindes di critchons,
Dizos lès jèbes batèt l'mèzeûre...
Hoûtreût-on bin 'ne pus bêle tchansori ?


Mirâcolèye = mélancolie.

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification