Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Simple rèsconte

Simple rèsconte

Envoyer Imprimer

Extrait de Fleûrs di m' Bouquèt, Melreux, 1956

Simpe rèsconte

AIR : Envoi de fleurs

 

I
Qwand dji rèscontra Jane po l'prumî côp d'tot,
Ele m'aveût fièstî d'on si doûs sorîre
Qui dj'âreûs volou qu'èle ripassasse co
Po m' ridîre bondjoû di s'djintèye manîre.
Dj'âreûs sohaitî lî rinde si rislèt,
Qwand dj'fouris riv'nou di m'plaihante surprise,
Ca ll'èsteût si bèle, si rimplèye d'agrè,
Qui m'coûr fout tôt dreût prêt' à lî d'ner djîse !

II
Poqwè l'destinêye l'aveût-èle mètou
Ci djoû-là so m'vôye po m'fé toûrner l'tièsse ?
Dji n'sés nin poqwè qui dj'vèya bablou
Et qu'dji sinta mi-âme prîse come èn-on lèce...
A dâter d'çoula, dji fouris candjî :
Dji r'vèyéve todi l'avinante djône fèye
Et dj'oyéve si vwès qui m'vinéve fièstî
Divins 'ne doûce vûzion qui, mây', on n'roûvèye !

III
Qwand c'èst qu'on-èst djône, on rin droûve nosse coûr :
I n' fât qu'ine parole, on riya qu'èstchante ;
Sins minme i s'kinohe, on s'sint pris d'amoûr
Et v'ià qu'on s'ènonde, qu'on-inme èt qu'on hante.
On qwitreût sins djinne sès bons vîs parints,
Qui nos-èwalpèt di totes leûs carèsses,
Po sûre ine djône fèye qui passe èt qu'nos prind
Avou 'ne simpe loukeûr ou quéque mamé djèsse !

IV
Come dji kwèréve Jane, on djoû dj'èl vèya
A brès' di m'cuzin, qu'èsteût fîr, plin d'djôye ;
Dj'ava'tant d'chagrin dè côp qu'dji r'çûva
Qui mès sondjes d'èspwér croulît tos so m'vôye.
Adon dj'comprinda poqwè qu'èle m'aveût
Fait si bone acoûte li djoû di s'rèsconte ;
Dj'a d'vou catchî m'ponne èt plorer tot seû
Li piète d'on boneûr qui dj'vèyéve aponte !

 

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification