Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Mi pus grand plaisir

Mi pus grand plaisir

Envoyer Imprimer

Extrait de Fleûrs di m' Bouquèt, Melreux, 1956

Mi pus grand plaisir

Air : Tchantons turtos-èssonle li pây' et l' liberté.

 

I
Come chaskonk' à s'passion po l'plaire et l'andoûler, (bis)
Dji v'vas dire è m'rèspleû çou qu'a l'don d'm'amûser,
Vérité,
Hein, vîs frés !

Rèspleû
Por mi l' pus grand plaisîr, c'est l'ci dè colèber ! (bis)

II
Enn'a qu'inmèt l' djeû d'bèyes, dès-aûtes sont rafârés (bis)
Po lès bals, lès tèyâtes ou bin po fot'baler,
Vérité,
Hein, vîs frés ! (à rèspleû)

III
Dj'adore tant m' colèbîre qui dj'î mètreûs bin m' lét ! (bis)
S'on d' findéve ci passe-timps, dji d'mandreûs po d'hoter,
Vérité, etc.

IV
Qwand c'ès't-âs coûtés tapes, lès pris sont vite hoftés,
Dji tins l' cwède dè hapâ, prêt' al lèyî r'claper,
Vérité, etc.

V
Po sognî mès colons, dji m' pass'reûs de soper
Et qwand dji djâse di zèls, dji crèh' d'èsse ènondé,
Vérité, etc.

VI
Qwand vint l'eûre dè cori, mi feume ni s'wèsse mostrer, (bis)
Pace qui 'ne fèy' si clapète a fait s'piter m' bronzé,
Vérité, etc.

VII
Ci côp-là, dj'l'a brognî qwinze djoûs sins l' pardoner ; (bis)
Dji n' sés qui qu' m'a rat'nou qui dji n'I'a nin trik'té.
Vérité, etc.

VIII
Qwand m' colon d'meûre â teût qu' i m'a fait lâmèn'ter, (bis)
Dji lî twètche li bûzê po l' puni di s'lach'té
Vérité, etc.

IX
Jamây', dji n'piède corèdje èt qwand m'fîve a passé, (bis)
Dji sins d'on côp l'èspwér qui racoûrt m'èstchâfer,
Vérité, etc.

X
Dji r'pwète so l'aûte dîmègne mi rafiya d'tchanc'ler, (bis)
Pace qui dj'a'fleûr di race, qui m'rascôye dès pagnes...
Vérité, etc.

XI
Mi tchance m'a st-akwèrou dès camarâdes po fé ; (bis)
Lès lèpes dès colèbeûs lachèt m'no tot costé,
Vérité, etc.

XII
Onk djêrèye d'avu 'ne cope, l'aûte vint po s'èscoler, (bis)
Mins dji n' lâche nin mès s'crèts so m' manîre d'aclèver,
Vérité, etc.

XIII
Come chaskonk' a s'passion po l'plaire et l'andoûler, (bis)
Dji v'vas dire è m' rèspleû çou qu'a l' don d' m'amûser,
Vérité,
Hein, vîs frés !

Rèspleû
Por mi, l'ous grand plaisir, c'est l' ci dè colèber ! (bis)

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification