Site d'Adrien Daxhelet

Site d'Adrien Daxhelet

  • Augmenter la taille de police
  • Taille de police par défaut
  • Diminuer la taille de police
Site optimisé pour le navigateur Firefox
Accueil Lucien Maubeuge Li Contrêye dès C'mones

Li Contrêye dès C'mones

Envoyer Imprimer

Extrait de Fleûrs di m' Bouquèt, Melreux, 1956

Li Contrêye dès C'mones

Crâmignon
Air: Auprès de ma blonde

 

I
I n'a 'ne bêle cwène di tére è nosse localité ; (bis)
Qu'èst come on pârtchèt d'fleûrs, Ion dès bruts dèl cité :

Rèspleû
C'èst l' contrêye dès C'mones!...
Tchantons sès bêtés, bêtés!...
C'èst l' contrêye dès C'mones!...
Tchantons sès bontés!...

II
Qu'èst come on pârtchèt d'fleûrs Ion dès bruts dèl cité ! (bis)
Avou sès prés, sès bwès qu'èl vinèt st-ècâdrer. (à rèspleû)

III
Avou sès prés, sès bwès qu'èl vinèt st-ècâdrer ; (bis)
C'èst l' paradis d'Sèrèg wice qu'on-inme dè viker !

IV
C'est l' paradis d' Sèrèg wice qu'on-inme dè viker :
On-î houme ine bone air sins nou gos' èpoûs'lé ; (bis)

V
On-î houme ine bone air sins nou gos' èpoûs'lé... (bis)
Lès djins di totes lès cwènes s'î v'nèt volti r'trimper...

VI
Lès djins di totes lès cwènes s'î v'nèt volti r'trimper... (bis)
E grand bwès dèl Vèquêye, droviért plein d' liberté ;

VII
E grand bwès dèl Vèquêye, droviért plein d' liberté, (bis)
Lès patrôses, lès frombâhes ridohèt d'invités ;

VIII
Lès patrôses, lès frombâhes ridohèt d'invités ; (bis)
Li plaisir dèl djônèsse, c'èst dè l'zè v'ni côper ;

IX
Li plaisir dèl djônèsse, c'èst de l'zè v'ni côper ; (bis)
Et l'amûs'mint dès vis, c'èst d'aler copiner

X
Et l'amûs'mint dès vis, c'èst d'aler copiner, (bis)
So lès ban:s, d'zos lès-âbes, là qu' l'oûhê vint tchanter.

XI
So lès bancs, d'zos lès-âbes, là qu' l'oûhê vint tchanter...
Et qwand l' solo r'glatih' èl doûceur di l'osté,

XII
Et qwand l' solo r'glatih' èl doûceur di l'osté, (bis)
L'endrwèt prind n'air di fièsse avou s'cîr tot bleûté.

XIII
L'andrwèt prind n'air di fièsse avou s'cîr tot bleûté ; (bis)
Mohinètes come chalets sont floris tos costés ;

XIV
Mohinètes come chalets sont floris tos costés ; (bis)
Chasconk' èst fîr di s'djîse èt kwîre al galioter...

XV
Chasconk' èst fîr di s'djîse èt kwîre al galioter... (bis)
Et qwand l' nut' èst toumêye so c' côp d'oûy' èstchanté,

XVI
Et qwand l'nut' èst toumêye so c' côp d'oûy' èstchanté, (bis)
C'èst-â djârdin pièrdou qui l' flouhe va s'amuser ;

XVII
C'ès't-à djârdin pièrdou qui l' flouhe va s'amuser... (bis)
I n'a 'ne bèle cwène di tére è nosse locâlité !

Rèspleû
C'èst l' contrêye dès C'mones !...
Tchantons sès bêtés, bêtés !...
C'èst l' contrêye dès C'mones !...
Tchantons sès bontés!...

 


C'mones = Biens-Communaux.
Pârtchèt = parterre.
Patrôse = muguet.

 

Commentaires

Afficher/cacher le formulaire SVP, identifiez-vous pour poster des commentaires ou des réponses.
 

Identification

Cette identification vaut pour tout sauf pour la galerie de photos qui a sa propre identification